HEROÍNA BARTOLINA SISA SATA KULLAKAX YÄQAWI UTJAÑAPATAKIW CH’AXWAWAYI

Bartolina Sisa kullakan ch’axwawipax taqinis askin yäqatapxañapatakiw utjawayi, sasinaw yatxatatanakax qhananchapxi. Ukampis jichhurunakax uka amtawix thakhiñchatakiskañapa amt’ayawayapxi.

Bartolina Sisa wali utt’ata ch’axwiri kullakax Ucuiri provincia Loayza tuqinaw yuriwayatayna ukas mä pä tunka pusini urunaka maykipawaykipana agosto llumpaqa phaxsina må waranqa paqallq pataka phisqha tunka marana, ukampisa uksa tuqitx kullaka historiadora aymara Dora Arteaga sawayiwa jupa kullakax wali t’aqhisiyatatapa jiwasjama originarios jupanakaru uñjawayatayna alakipasina irnaqawipana ukataw jupax ukanaka tukusiñapataki thurkataña amtawayi.

Uka pachpa tuqitxa jilata yatxatata Francisco Aruquipa sarakiwa jupaxa ukham irnaqasinx Tupaj Katari Julian Apaza chiqpacha sutipaxa jupamp uñt’asisawa jaqichasiwayapxayayna ukhamarakiw wawanipxansa sasinaw qhananchawayi.

Ukañkamax kullaka Luisa Mamani yatxatatax sawayiwa, kullaka Bartolina Sisa jupax amtanwa jan khithis jisk’achata ch’ama chiwrsuta sarnaqañapa ukatawa jichhurunakax wakisispa sindical tuqin irpiri Bartolina Sisa sata tuqinakan uka ch’ullqhi amuyu thakhiñchasipkañapaki.