AYMARA SARAWINX WIPHALAX YÄQATAWA
Aymaranakatakix wiphalax mä khuskha yäqasiñawa. Uñañchayiwa jani khitisa jilañapa maynita ukatx pusi chiqanakanikipanx sañ munarakiw pusi aski amtawinaka uñañchayatapa.
La Paz 22 de agosto de 2025 (Cepra Red aymara).- Whiphala ukax aymara sarawitakix wali yäqatawa ukampisa aski amuyunakraki uñañchayi. Uksa tuqitxa jilata yatxatata Mateo Laura jupaxa sarakiwa: “wiphalaxa mä símbolo andino ukhamawa ukatxa pusi kikipa chiqanakaniwa ukanxa saña muniwa: historia, filosofía, unidad ukhamaraki armonía. Maysatxa uñañchayiwa pusi suyunaka: Qullasuyu, Antisuyu, Tawantinsuyu ukhamaraki Quntisuyu. Sspa saminakapaxa mä chiqpacha uñañchawinirakiwa. Ukanxa pacha, uru, paqa urunaka ukhamaraki phaxsinakasa uñañchayasirakiwa sasinaw qhananchawayi.
Maysa tuqitxa jilata sociólogo Gabriel Bonifaz sarakiwa: “walja arunakata jaqthapitawa ukampisa sañ muniwa mä jallallawi, mä yupaychawi ukatxa ukhamapana phuqhaspana jiwasatanwa uka saña muni uka wiphala aruxa sasinaw qhananchi. Ukampisa paqallqu saminakapaxa uñañchayiwa Pachamama uraqina utji uka uñacht’ayi ukatxa kurmita uka saminakasa maykipi sasinaw arsuwayi.
Jichhurunakaxa Wiphala ukaxa inasa taqi tuqiwjanakana yäqata laphaqirjama jiykat’atachi ukampisa jiskt’atax kamsañsa muni ukatxa janiwa tawaqu waynanakaxa amuyxapxiti ukhamaxa jiliri jila kullakanakaxa iwxt’apxiwa yatiqaña utanakana ukhamaraki utjawinakansa sullkirinakaru qhananchaña jani uka sarawinakaxa armatañapataki.
