AYMAR SARAWIRJAMAX JUSTICIA INDÍGENA ORIGINARIA UKANX JANK’AKIW JUCHAX T’AQASI
La Paz 19 de septiembre de 2025 (Cepra).- Aymara sarawirjamasti juchanakax laqakiw t’aqata ukampis janirakiw qullqitakikisa, sasinaw uksa tuqit yatxatatanakax qhananchapxi.
Aka Bolivia Qullasuyu markasanx justicia uka jucha t’aqawit aruskasinx pä amtarjamaw saranti. Mayaxa justicia ordinaria satawa ukatsti payirixa satarakiwa justicia indígena originaria. Sapa mayniwa thakhin thakhini. Jichhax justicia indígena originaria satakisa uksat aruskasinx aymar sarawirjamax kunaymani askinakaniwa sasinawa uksa tuqit yatxatatanakax qhananchapxi.
Kullaka abogada kamachinakata yatxatata Rosalía Churqui sarakiwa, justicia indígena originaria ukaxa ayllunakasanawa thakhiñchata ukaxa comunidad taypin irpirinakata phuqhayata.
Maysatxa jilata kikiparaki abogado kamachi tuqit yatxatatax sarakiwa una justicia ukanx janiwa luna qullqisa irtataxa utjkiti ukatxa jak’akirakiwa jucha t’aqawinakaxa utji. Ukatsti kullaka yatxatata Luisa Mamani jupax amt’ayiwa taqpacha Asamblea Legislativa Plurinacional satakis ukan irpirinakax kamachinaka uñakipapxaspa ukhaman justicia indígena originaria ukax askin phuqhasiñapataki.
